Shefi i grupit parlamentar të LDK, Avdullah Hoti në seancën e sotme të Kuvendit ka thënë se pas pavarësisë janë pritur njohje të reja e jo përjashtim nga agjencia e akreditimit, shkruan arbresh.info

“Menjëherë pas festës së pavarësisë në vend se të kemi njohje nga shtetet e tjera, ne u përjashtuam nga agjencia e akreditimit të arsimit. Kjo është e dëmshme, sepse shkarkimi u bë shkak që agjencia të përjashtohet”, është shprehur Hoti.

Sipas tij janë bërë dëme të mëdha në cilësinë e arsimit në Kosovë, është devalvuar procesi i akreditimit.

Me këtë përjashtim dëmtohet njohja e diplomave në shtetet e Bashkimit Evropian.

“Sot është koha ta vëmë interesin e fëmijëve tonë para interesave partiake”, ka thënë ai.

Sot po mbahet seancë e jashtëzakonshme me të vetmin rend dite: Përjashtimi nga Regjistri Evropian për Cilësi në Arsim të Lartë (EQAR)./Arbresh.info/

https://www.facebook.com/arbresh.info/videos/1714118405319911/